Brimborg býður nú alla nýja Citroën bíla sem keyptir eru hjá Brimborg með 7 ára ábyrgð eða að 100.000 km. hvort sem á undan kemur km fjöldi eða tími og 8 ára drifrafhlöðuábyrgð. Ábyrgðin er víðtæk verksmiðjuábyrgð sem gildir fyrir bæði fólksbíla og atvinnubíla. Citroën bílar sem ganga að öllu leiti (100% hreinir rafbílar) eða einhverju leiti fyrir rafmagni (tengiltvinn rafbílar) og eru þ.a.l. með drifrafhlöðu eru  með 8 ára ábyrgð á drifrafhlöðu eða að 160.000 km, hvort sem á undan kemur tími eða km fjöldi. Ábyrgð drifrafhlöðunnar miðast við 70% hleðslugetu drifrafhlöðunnar. Ábyrgðin er aðeins í boði á bílum keyptum af Brimborg og er háð þvi að bíllinn fylgi þjónustuferli framleiðanda. Með reglulegri þjónustu og viðtækri verksmiðjuábyrgð nýrra Citroën bíla frá Brimborg tryggir þú þér meira öryggi, lægri rekstrarkostnað, hærra endursöluvirði og hraðari endursölu.

Til að viðhalda ábyrgðinni þarf að viðhalda bifreiðinni samkvæmt ferli framleiðanda eins og kemur fram í þjónustuyfirliti frá framleiðanda / þjónustubók / eigandahandbók sem þú færð með bílnum. Einnig geta upplýsingarnar verið gefnar upp á stafrænan hátt í appi eða í mælaborði bifreiðarinnar og er mikilvægt að fylgja þjónustunni.  Við afhendingu nýrra bifreiðar fer söluráðgjafi yfir þjónustuyfirlit bifreiðarinnar. Til viðbótar við almenna skilmála gefur Brimborg út viðaukaábyrgð sem söluráðgjafi fer einnig yfir við afhendingu. Kaupandi ber kostnað af reglulegu þjónustueftirliti. Athygli er vakinn á því að 7 ára ábyrgð Citroën er skv. sérstökum skilmálum sem tóku gildi 1.1.2025. Frá 28.10.2020-31.12.2024 var ábyrgð á Citroën bifreiðum 7 ár eða að 140.000 km. Frá 01.06.2019 - 27.10.2020 var 5 ára ábyrgð eða að 100.000 km á Citroën bifreiðum en fyrir þann tíma var ábyrgðin 2 ár skv. skilmálum.

Hvert sný ég mér varðandi ábyrgðarviðgerð?
Þú ferð með Citroën bílinn þinn ásamt eiganda- og þjónustuhandbók á Citroën verkstæði Brimborgar eða til viðurkennds þjónustuaðila Citroën utan Reykjavíkur. Allir viðurkenndir þjónustuaðilar Citroën geta annast viðgerðir sem falla undir ábyrgð.

 

Panta tíma í ábyrgðarviðgerð á verkstæði Citroën
Þú getur pantað tíma á verkstæði Citroën hér á vefnum. Þegar þú hefur bókað tíma þá færð þú mjög fljótlega staðfestingu í sms með nánari leiðbeiningum. Síðan munum við minna þig á tímann fjórum dögum áður en þú átt að mæta og aftur minnum við á daginn áður. Þú finnur lausan tíma, bókar tíma eða afbókar hjá verkstæði Citroën hér:

 

Bókaðu tíma

Afbókaðu tíma